Nova extraída da Federación Galega de Loita (fegaloita)
170 Combates para decidir ós Campións Galegos de Loitas Olímpicas
Record histórico de combates e participación nestes pasados campionatos Galegos de Loitas Olímpicas celebrados este pasado sábado 8 de Febreiro no Pavillón de Santa Isabel en Santiago de Compostela. A competición celebrouse coa inestimable axuda na organización do Club de Loita Stellae de Santiago de Compostela, quen fixo de anfitrión para todos os clubs que se achegaron a esta cita.
As categorías en liza foron a sénior (absoluta) e a cadete, nas modalidades de Loita Libre Olímpica, Grecorromana e Libre Feminina. Os tres tapices oficiais de Loita desprazados ata Santa Isabel foron as testemuñas directas do nivel alcanzado polos deportistas Galegos, que cada ano superan as expectativas de participación e do nivel amosado. Ademais, estes campionatos serven para perfilar as seleccións Galegas que participarán nos vindeiros campionatos de España de Loitas Olímpicas, que terán Lugar en Madrid o 15 e 16 de Marzo.
Na categoría absoluta, puidemos gozar dunha competición vibrante, estando presentes nas finaisvarios medallistas nacionais e membros da selección española de Loitas Olímpicas. Por outra banda, na categoría cadete amósase o futuro deste deporte, sendo cada ano mais concorrida.
O maior salto cualitativo e cuantitativo das Loitas Olímpicas deuse na modalidade de Loita Feminina, sendo esta a disciplina de maior crecemento nos últimos anos. A entrada das mulleres nun deporte olímpico, de clara tradición masculina, está en consoancia coas campañas de promoción e desenrolo das Loitas Olímpicas levadas a cabo pola Federación Galega en todos os eidos deportivos, sendo as mulleres o claro referente de crecemento neste ano 2014.
Os resultados completos, tanto individuáis coma por clubs, pódense consultar no seguinte enlace
FONTE DA NOTICIA (FEGALOITA) http://goo.gl/HUQOHb
0 comentarios:
Publicar un comentario